ភ្នំពេញ៖ សម្តេចធិបតី ហ៊ុន ម៉ាណែត បញ្ជាក់ថា គ្រប់បណ្ដាញសង្គមផ្លូវការរបស់សម្ដេចធិបតីនាយករដ្ឋមន្ត្រី សុទ្ធតែមានការបញ្ជាក់ (Verified) ពីរក្រុមហ៊ុនបណ្ដាញសង្គមទាំងអស់ ពិសេសសម្ដេច មានតែ Channel Telegram តែមួយគត់ គឺឈ្មោះ Samdech Thipadei Hun Manet, Prime Minister of Cambodia។

ការបញ្ជាក់ដូចខាងលើនេះ ធ្វើឡើងក្រោយសម្តេចធិបតីនាយករដ្ឋមន្រ្តី ឃើញថា មានគណនីតេឡេក្រាម (Telegram Account) មួយ បានបង្កើត ជាគណនីក្លែងបន្លំរបស់គណនីសម្ដេចរធិបតីនាយករដ្ឋមន្ត្រី។ សម្តេចធិបតី ហ៊ុន ម៉ាណែត បានអំពាវនាវឱ្យសាធារណជន ប្រុងប្រយ័ត្នគណនីក្លែងក្លាយនេះ និង Channel Telegram របស់សម្តេចធិបតី គឺមានតំណភ្ជាប់ https://t.me/Dr_Hunmanetofcambodia៕