ភ្នំពេញ៖ សហគ្រិនខ្មែរ ជ្រើសរើសដៃគូ ដែលមានចំណាប់អារម្មណ៍ចូលរួមដាក់ពាក្យផ្ដល់សេវាកម្មអនុវត្ត «កម្មវិធីគាំទ្រលើ ESG សម្រាប់សហគ្រាសធុនតូច និងមធ្យម (SMEs)» ដែលជាកម្មវិធីកសាងសមត្ថភាព ការចូលរួមពីភាគីពាក់ព័ន្ធ និងការអនុវត្តជាក់ស្តែងនៃការអនុវត្តគោលការណ៍បរិស្ថាន សង្គម និងអភិបាលកិច្ច (ESG) ដែលស្របតាមតម្រូវការ តែមួយគត់របស់ SMEs។

បើតាមការចុះផ្សាយរបស់សហគ្រិនខ្មែរ អ្នកអនុវត្ត ឬដៃគូដែលមានសក្តានុពលអាចដាក់សំណើរ និងឯកសារចាំបាច់ រួមមានសំណើរកំណត់ចំណាំជាមួយនឹងសកម្មភាពលម្អិត និងផែនការថវិកាសម្រាប់ការរៀបចំកម្មវិធីរយៈពេល ៩ខែ, វិធីសាស្រ្តនៃការអនុវត្ត, ទម្រង់សមាជិកក្រុម និងលទ្ធផលដែលរំពឹងទុក ដូចជា៖ ឧបករណ៍វាយតម្លៃ ESG, ESG Framework, ចំនួននៃការផ្តល់ការបណ្តុះបណ្តាល, ចំនួននៃ SMEs/Startups ដែលកំពុងដំណើរការ, ការគាំទ្រការណែនាំដែលកំពុងដំណើរការ, ការត្រួតពិនិត្យ ESG និងការរាយការណ៍ក្របខ័ណ្ឌ ឬផ្ទាំងគ្រប់គ្រង, របាយការណ៍វឌ្ឍនភាព និងការបញ្ចប់ជាដើម។

កម្មវិធីគាំទ្រ ESG មានគោលបំណងជួយ SMEs ក្នុងការរួមបញ្ចូលគោលការណ៍ ESG ទៅក្នុងប្រតិបត្តិការរបស់ពួកគេ។ អ្នកអនុវត្ត ឬដៃគូ ដែលមានសក្តានុពលអាចបង្ហាញចំណាប់អារម្មណ៍លើការដេញថ្លៃគម្រោងតាមរយៈ https://forms.gle/R2vQ7X1qeYCfFfF98 ត្រឹមថ្ងៃទី១៧ ខែកុម្ភៈ ឆ្នាំ២០២៥ វេលាម៉ោង ៥ល្ងាច៕