ភ្នំពេញ៖ Bakong បានបើកឱកាសឱ្យសាធារណជន ចូលរួមផលិតវីដេអូខ្លីអំពី «ការជំរុញការប្រើប្រាស់បាគង និងKHQR ព្រមទាំងការលើកកម្ពស់ចំណេះដឹងផ្នែកហិរញ្ញវត្ថុ ដើម្បីអាចឈ្នះរង្វាន់ជ័យលាភីជាទឹកប្រាក់សរុបរហូតដល់ ៣០លានរៀល។

តាមការចុះផ្សាយរបស់ Bakong កាលពីថ្ងៃទី១៨ ខែតុលា ឆ្នាំ២០២៤ បេក្ខជន ដែលចូលរួមផលិតមាតិកាខាងលើនេះ ត្រូវជ្រើសរើសប្រធានបទមួយក្នុងចំណោមប្រធានបទ៖ ១.ការជំរុញការប្រើប្រាស់ KHQR និងបាគង និង ២.ចំណេះដឹងផ្នែកហិរញ្ញវត្ថុ ដើម្បីផលិតវីដេអូប្រកបដោយភាពច្នៃប្រឌិត ដោយមានរយៈពេលចាប់ពី ៣០វិនាទីឡើងទៅ។

បេក្ខជន ត្រូវបង្ហោះវីដេអូដែលបានផលិតនៅលើគណនី Tiktok ផ្ទាល់ខ្លួន ដោយដាក់ Caption ជាចំណងជើងរបស់វីដេអូ និង mention គណនី TikTok @Bakong_NBC រួចដាក់ #KHQR2024 និង #បាគង ត្រឹមថ្ងៃទី២ ខែវិច្ឆិកា ២០២៤។ គួរបញ្ជាក់ថា ចំនួនអ្នកទស្សនាត្រូវតែជា Organic ដោយមិនត្រូវបាន boost និងប្រាក់រង្វាន់នឹងត្រូវវេរតាមរយៈបាគង៕