ភ្នំពេញ៖ ក្រុមហ៊ុនចំនួន២ មានក្រុមហ៊ុន Tropicam Fruit and Vegetable Co., Ltd. និងក្រុមហ៊ុន Overenden/Smarteden បានចុះអនុស្សរណៈយោគយល់គ្នា (MOU) ដើម្បីនាំចេញផលិតផលកសិកម្មចំនួន ៣មុខ ដូចជាអង្ករ គ្រាប់ស្វាយចន្ទី និងតំណាប់ស្វាយកែវរមៀត នាំចេញទៅកាន់ទីផ្សារបោះដុំអឺរ៉ុប។

ការចុះMOU នៅទីស្តីការក្រសួងពាណិជ្ជកម្មនេះ ត្រូវបានចុះហត្ថលេខាដោយ អ្នកឧកញ៉ា ហ៊ុន ឡាក់ ប្រធានក្រុមហ៊ុន Tropicam Fruit and Vegetable Co., Ltd. និងលោក Laurent STAUCH នាយកប្រតិបត្តិនៃក្រុមហ៊ុន Overenden/Smarteden ក្រោមអធិបតីភាពលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ដើម្បីលើកកម្ពស់ការនាំចេញផលិតផលកសិកម្មខ្មែរទៅកាន់ទីផ្សារអឺរ៉ុប។ នេះបើតាមការចុះផ្សាយរបស់ក្រសួងពាណិជ្ជកម្ម កាលពីថ្ងៃទី១៧ ខែតុលា ឆ្នាំ២០២៤៕