ភ្នំពេញ៖ ក្រុមហ៊ុន Cellcard សិក្សាអំពីលទ្ធភាពក្នុងការរៀបចំឱ្យមានសេវា Internet សាធារណៈក្នុងតំបន់សំខាន់ៗក្នុងក្រុងសៀមរាប និងចូលរួមសហការក្នុងការរចនាផ្ទាំងរូបភាពសម្រាប់ព្រឹត្តិការណ៍ផ្សេងៗរបស់ខេត្ត។ នេះបើតាមការចុះផ្សាយរបស់ រដ្ឋបាលខេត្តសៀមរាប កាលពីថ្ងៃទី១ ខែកញ្ញា ឆ្នាំ២០២៥។

ក្នុងពិភាក្សាការងារជាមួយ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប លោក យ៉ាប់ កុក លឿង នាយកប្រតិបត្តិក្រុមហ៊ុន សែលកាត (Cellcard) ក៏បានលើកឡើងពីការចូលរួមសហការក្នុងការរចនាផ្ទាំងរូបភាពសម្រាប់ព្រឹត្តិការណ៍ផ្សេងៗរបស់ខេត្ត ព្រមទាំងចូលរួមសហការឧបត្ថម្ភលើព្រឹត្តិការណ៍នានារបស់ខេត្តសៀមរាប ដើម្បីជម្រុញវិស័យទេសចរណ៍ផងដែរ៕