ភ្នំពេញ៖ ក្រុមហ៊ុន AGODA ដែលមានកម្មវិធីកក់សេវាកម្មទេសចរណ៍អនឡាញដ៏ល្បីល្បាញ និងការរៀបចំកញ្ចប់ទេសចរណ៍ នឹងដាក់បញ្ចុះតម្លៃដ៏ទាក់ទាញនៅលើកម្មវិធីរបស់ Agoda ដើម្បីជំរុញ និងលើកទឹកចិត្តទេសចរមកទស្សនាកម្ពុជា។ នេះបើតាមការចុះផ្សាយរបស់ក្រសួងទេសចរណ៍ នាថ្ងៃទី២២ ខែមករា ឆ្នាំ២០២៥។

ក្នុងជំនួបរវាង ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងលោក Omri Morgenshtern នាយកប្រតិបត្តិក្រុមហ៊ុន AGODA កាលពីថ្ងៃទី១៨ ខែមករា ឆ្នាំ២០២៥ ភាគីទាំងពីរ ក៏បានពិភាក្សាផ្តោតលើការចែករំលែកព័ត៌មាន ទិន្នន័យទាក់ទងនឹងទីផ្សារគោលដៅ ការអភិវឌ្ឍទេសចរណ៍ឌីជីថល និងការផ្សព្វផ្សាយគោលដៅទេសចរណ៍កម្ពុជា នៅលើកម្មវិធីរបស់ Agoda ផងដែរ៕