ភ្នំពេញ៖ គម្រោងលក់ដីឡូតិ៍មួយកន្លែង មានឈ្មោះ ដីឡូតិ៍អង្គស្នួល ដែលមានទីតាំងស្ថិតនៅភូមិចម្ការត្រាច ឃុំពើក ស្រុកអង្គស្នួល ខេត្តកណ្តាល បានធ្វើអាជីវកម្មដោយគ្មានអាជ្ញាបណ្ណពីនិយ័តករអាជីវកម្មអចលនវត្ថុ និងបញ្ចាំ និងអាចធ្វើឱ្យប៉ះពាល់ ឬខាតបង់ប្រយោជន៍ណាមួយដល់ពលរដ្ឋ។ នេះបើតាមសេចក្តីជូនដំណឹងរបស់និយ័តករអាជីវកម្មអចលនវត្ថុ និងបញ្ចាំ ដែលចុះផ្សាយកាលពីថ្ងៃទី២២ ខែកក្កដា ឆ្នាំ២០២៤។

និយ័តករអាជីវកម្មអចលនវត្ថុ បានអំពាវនាវឱ្យសាធារណជនទាំងអស់ និងបុគ្គលពាក់ព័ន្ធកុំចូលរួមធ្វើអាជីវកម្ម ឬពាក់ព័ន្ធជាមួយគម្រោងអភិវឌ្ឍន៍ដីឡូតិ៍គ្មានអាជ្ញាបណ្ណដែលមានឈ្មោះ «គម្រោងដីឡូតិ៍អង្គស្នួល» នេះ ដើម្បីជៀសវាងការប៉ះពាល់ ឬខាតបង់ប្រយោជន៍ណាមួយ៕