ភ្នំពេញ៖ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម បច្ចេកវិទ្យា និងនវានុវត្តន៍ ណែនាំឱ្យក្រុមជ័យលាភីអាហារូបករណ៍ ដែលនឹងចាកចេញទៅសិក្សានៅប្រទេសជប៉ុន នៅថ្ងៃទី១ ខែមេសា ឆ្នាំ២០២៥ ខាងមុខនេះ ទាញយកផលប្រយោជន៍ពី ឱកាសនៃការសិក្សានេះឱ្យបានអតិបរមា ព្រមទាំងត្រូវចេះគ្រប់គ្រងខ្លួនឯងផងដែរ។

ក្នុងជំនួបជាមួយក្រុមជ័យលាភីអាហារូបករណ៍ រដ្ឋាភិបាលជប៉ុន MEXT ឆ្នាំ២០២៥ ឯកឧត្តម ហែម វណ្ណឌី បានលើកឡើងអំពីអាណត្តិកិច្ចរបស់ក្រសួង និងយុទ្ធសាស្ត្រអភិវឌ្ឍន៍ជាតិ ដោយផ្តោតលើឧស្សាហូបនីយកម្ម និងកំណើនសេដ្ឋកិច្ច ដែលផ្អែកលើនវានុវត្តន៍ ទៅតាមតាមសំណើរបស់ក្រុមជ័យលាភី។

គួរបញ្ជាក់ថា អាហារូបករណ៍ MEXT ឆ្នាំ២០២៥ បានជ្រើសរើសជ័យលាភីពីកម្ពុជា ចំនួន ៣១នាក់ ដែលក្នុងនោះ ៩នាក់ នឹងសិក្សាកម្រិតស្រាវជ្រាវ ២នាក់ កម្រិតបរិញ្ញាបត្រ ១០នាក់ កម្រិតមធ្យមសិក្សាបច្ចេកទេស និង ១០នាក់ កម្រិតបណ្តុះបណ្តាលបច្ចេកទេស និងវិជ្ជាជីវៈ៕