SME News មានកិត្តិយស និងសេចក្តីសោមនស្សរីករាយក្នុងការចែករំលែកជាមួយសាធារណជន នូវឯកសារគោលនយោបាយជាតិដ៏មានសារៈសំខាន់មួយ គឺ «យុទ្ធសាស្ត្រជាតិស្តីពីការអភិវឌ្ឍសហគ្រាសមីក្រូ សហគ្រាសធុនតូច និងមធ្យម ឆ្នាំ២០២៦–២០៣០» ដែលរៀបចំឡើងដោយរាជរដ្ឋាភិបាលកម្ពុជា និងចេញផ្សាយក្នុងខែកក្កដា ឆ្នាំ២០២៦។

ឯកសារយុទ្ធសាស្ត្រនេះ គឺជាផែនទីចង្អុលផ្លូវដ៏សំខាន់សម្រាប់ការពង្រឹងប្រព័ន្ធអេកូឡូស៊ីសហគ្រាសនៅកម្ពុជា ការលើកកម្ពស់សហគ្រិនភាព ការបង្កើនសមត្ថភាពប្រកួតប្រជែង ការសម្រួលលទ្ធភាពទទួលបានហិរញ្ញប្បទាន និងបច្ចេកវិទ្យា ព្រមទាំងការបង្កើតបរិយាកាសអំណោយផលដល់ការរីកចម្រើននៃវិស័យឯកជនប្រកបដោយចីរភាព។

ដោយសារសហគ្រាសមីក្រូ សហគ្រាសធុនតូច និងមធ្យម គឺជាកម្លាំងស្នូលដ៏សំខាន់នៃសេដ្ឋកិច្ចជាតិ ការយល់ដឹងអំពីគោលនយោបាយ និងការប្រែក្លាយទិសដៅយុទ្ធសាស្ត្រទៅជាសកម្មភាពជាក់ស្តែង នឹងចូលរួមចំណែកយ៉ាងសំខាន់ក្នុងការគាំទ្រសហគ្រិន ការពង្រឹងវិស័យឯកជន ការបង្កើតឱកាសការងារ និងការជំរុញកំណើនសេដ្ឋកិច្ចកម្ពុជាឱ្យកាន់តែរឹងមាំ។

SME News សូមលើកទឹកចិត្តដល់ម្ចាស់អាជីវកម្ម សហគ្រិន វិនិយោគិន ដៃគូអភិវឌ្ឍន៍ និងសាធារណជនដែលមានចំណាប់អារម្មណ៍ មេត្តាសិក្សាស្វែងយល់ និងប្រើប្រាស់ឯកសារយុទ្ធសាស្ត្រនេះជាមូលដ្ឋានសម្រាប់ការរៀបចំផែនការ និងការអភិវឌ្ឍអាជីវកម្មនាពេលអនាគត។

សិក្សាយុទ្ធសាស្ត្រ យល់ពីឱកាស និងរួមគ្នាប្រែក្លាយចក្ខុវិស័យទៅជាសមិទ្ធផលជាក់ស្តែង ដើម្បីសហគ្រាសកម្ពុជា និងសេដ្ឋកិច្ចជាតិ។

🙏ចុចតំណភ្ជាប់ដើម្បីទាញយកសៀវភៅនេះ​ (ភាសាអង់គ្លេស​ &​ ភាសាខ្មែរ)

https://www.smenews.asia/doc?id=89