ភ្នំពេញ៖ ក្រសួងមហាផ្ទៃ ហាមឃាត់មិនឱ្យមានការបង្ហោះយន្តហោះគ្មានមនុស្សបើក (ដ្រូន) ជាដាច់ខាត នៅតាមបណ្តាខេត្តជាប់ព្រំដែនជាមួយប្រទេសថៃ និងខេត្តពាក់ព័ន្ធ រយៈពេល ១៥ថ្ងៃ គិតចាប់ពីថ្ងៃទី៣ ខែសីហា ឆ្នាំ២០២៥ នេះតទៅ។

បើតាមក្រសួងមហាផ្ទៃ ក្នុងករណីមានការបង្ហោះដ្រូន អ្នកប្រព្រឹត្តល្មើស នឹងត្រូវទទួលទោសទណ្ឌ និងវិធានការរដ្ឋបាលតាមច្បាប់កំណត់ជាធរមាន។ ជាមួយគ្នានេះ រដ្ឋបាលខេត្តជាប់ព្រំដែនថៃ ត្រូវចាត់ចែងតាមដាន និងគ្រប់គ្រងសភាពការណ៍នេះ ឱ្យបានម៉ឺងម៉ាត់ ព្រមទាំងធ្វើរបាយការណ៍រៀងរាល់ថ្ងៃមកក្រសួងមហាផ្ទៃ ដែលមានអគ្គនាយកដ្ឋានរដ្ឋបាលជាសេនាធិការ៕